تلبية لطلب الإخوة الباحثين عن مشاركة الشاعر الفائز عن الحلقة الرابعة محمد حمد بن فطيس المري من قطر
مانيب من ياتي ولا يدرابه
شطر حفظته ماعرف كتابه
شطر يناسبني لمثل الليله
واشوفني في ذالمكان اولى به
ابتكل بالله ونعم بالله
اللي مايوصد دون خلقه بابه
باقول واللجنه تقيم قولي
ومن كثرت الشعار ماني آبه
الحمد لله واثق(ن) من روحي
وان كنت ذيب فالرجال ذيابه
ما اقول انا اشعر واحد فالدنيا
لكن قصيدي كفو وانا ادرابه
الشعر جمعنا لو تفرقنا
حدودنا وظروفنا الغلابه
الله يبيض وجه راعي الفكره
عز الله انها تنحسب لحسابه
والله يبيض وجه من يرعاها
محمد الله يحفظه لاحبابه
محمد ولد زايد عريب المجنى
ولي عهد الديره الخلابه
الشعر تاريخ(ن) لنا من مبطي
واعلامنا يوم السنين نهابه
الشعر بيت(ن) والوزن عمدانه
معناه طنب وقافيته حجابه
الشعر واد فيه صيد(ن) واجد
وكل على الوادي يهج ركابه
والافكار صيد وكل شاعر قانص
وكلن يدسم شاربه مخلابه
احد(ن) خياله حر واحد(ن) وكري
واحد(ن) خياله كوبجن بقطابه
وانا خيالي كل ماهديته
حول على الوادي وصاد عقابه
شاركت امثل ديرتي وربوعي
وكلن يمثلن ديرته واقرابه
والله الا الله راد والله قاله
اني لسلمها الفخر وكتابه
داري قطر وانا اهنا امثلها
المجد مطلوبي وانا طلابه
عهد علي اني لشرف داري
ترك صبي ما يعز ترابه
شوفوا دمي من حبها عنابي
وحماستي من ضووها شبابه
شاعر خليجي والعروبه بيتي
والبيت ماياقف بدون اطنابه
وان عودت بين القبايل فزعه
انا اشهد ان لي فاللوازم لابه
لي فالقبايل ربع واقدرهم
ماني بمن يجهل مقام اصحابه
وان عودت لاصلي فانا اصلي مري
من صلب يام اهل القنا وخضابه
قوم لنا فوق المعالي بيرق
والسيف قوة سلته بانصابه
الشعر طوقني وانا طوقته
قمت اتمشابه وفك ابوابه
يابنت ياللي تفرقين بعودش
مالومهم لاكثروا الخطابه
لامر بش دربش على خلق الله
قالوا كذا بالاصبع السبابه
زينش يزينه فعل ابيش وجدش
وانتي بدورش للنقا كسابه
قومي تباهيبي وفلي راسش
عليش من ستر الشرف جلبابه
وان ماسترتش بالفعول وباسمي
فعقبني الفنجال ياصبابه
واحد من الناس
يناير 8, 2007 في 1:18 م
كفو والله كفو يا المري….مشكور أخوي محمد على تلبية الطلب وما تقصر….
ابن الزعيم
يناير 8, 2007 في 1:39 م
صح لسانه وعز الله انه كفو من يمثل قطر ..
شدتني القصيده يوم سمعتها وبحثت عنها حيل لين حصلتها ولله الحمد ..
ما اقدر اقول الا صح لسان قايلها ..
ابراهيم الشريف
يناير 8, 2007 في 1:44 م
تسلم يا دافيء الجرح على التواصل ووضع هذه القصيده الرائعه
فرد حمزه
يناير 9, 2007 في 1:11 ص
كفوا كفوا والله يالمري انا اشهد انها من اجزل القصائد التي سمعتها في البرنامج ومن اروع القصائد التي مرت علي الى ا لا مام ونتمنى لك مزيدا من التألق والتميز
ابراهيم الشريف
يناير 10, 2007 في 6:26 ص
نريد رايكوتقريرك في الحلقه الخامسه علماًانني لم اشاهدها حتى الان
لرؤبل
يناير 12, 2007 في 2:09 م
ممكن تحطون انا قصيدة ياسر التويجري واكون لكم من الشاكرين
أحمد اليامي
يناير 13, 2007 في 12:25 م
كفو والله قصيده أصيله بما تحمله الكلمة من معنى
ماجد العتيبي
يناير 15, 2007 في 3:54 ص
صح لسانك وعز الله انك جبتها من اولها الى تااليها جزلة يا الذيب ،، و عسى فالك المليون والقصيد الموزون،، واقولك تسلم يمينك والله لا يهينك
ناصر
يناير 15, 2007 في 9:42 م
بالفعل كلمات مفهومه ومتسلسة وهادئة فيها رسالة واضحه وليست من ضمن القصائد المتناقضة والمدفونه التي القيت في البرنامج ..
الشاعر مثقف عرف معنى الشعر الحقيقي ولذلك فاز بالمركز الاول على مجموعته
هيبـــه
يناير 20, 2007 في 4:58 ص
شكرا !!
الجزري
يناير 24, 2007 في 8:50 م
صح لسااااااااااانك وخير من مثل قطر والله
الجوري
يناير 24, 2007 في 8:51 م
ههههههههههههه تعديل اسمي
المعتم بالله
يناير 24, 2007 في 9:06 م
والله ونعم مليون بك يالمري .. وو الله انك كفو .. وتستاهل المليون
المعتصم بالله
يناير 24, 2007 في 9:17 م
..
الجريح 999
يناير 26, 2007 في 8:30 م
اهل القنا وخضابه
ونعم يامري
ونعم يايامي
قصيده بحثت عنها مع خوفي الشديد بان لا اجدها شكرا لناقلها وصح الله لسان قايله
الجنازه
يناير 27, 2007 في 5:06 ص
شاعر بمعنى الكلمه ويستاهل المليون
الاحبابي
فبراير 12, 2007 في 1:56 م
صح لسانك قصيدة جزلة ووافية ونبغي المزيد من القصايد
يامي (مري،عجمي،نجرآن)
فبراير 13, 2007 في 9:11 ص
والله وآفي وكفوووووووووو
بيض الله وجهه
متذوووووووووووق شعر
فبراير 17, 2007 في 10:10 م
الصراااااااااحه قصيده رائعه جدا والشاعر لهله اكثر من 18 قصيده وكل وحده احسن من الثانيه انا خايف لاينظلم المحيط الهادي في التصويت راح يفقد البرنامج حلاوته يا الربع
كل التوفيق لشاعر الميار ابن فطيس الله يوفقك يامحمد
متذوووووووووووق شعر
فبراير 17, 2007 في 10:11 م
لهله= له
الميار= المليار
شكرا لصاحب الموقع وحبيت انوه قصايد محمد كلها عندي تقريبا 20 قصيده حتى الان
وايميلي عندكم
شكرا
خوخه
مارس 2, 2007 في 1:09 ص
يا حلوو الوشوشه وبس
وياحلو اهل قطر
يسلمووو اخووي لاهنت
من زمان ادور الكلمات
ال مريه
مارس 3, 2007 في 3:20 م
والله كفوا ومثل ماقال حمد السعيد مافيك حيله وتستاهل المليووون يابن فطيس
يو
مارس 4, 2007 في 4:09 م
ياخي مالقيت الشعر وش هاذا الموقع الفاشل
شافي المري
مارس 8, 2007 في 11:20 ص
اتمنى ان الكل ينصف الشاعر المميز ابن فطيس وما اقول هالكلام لاني مري لا والذي رفع سبع بلا عمد الى حاب اقوله لكم امانة انتوا يا جمهور من احسن شاعر يقول ابيات قوية امانة ومن هة الشاعر الافضل بالامانة؟
عتيبية
مارس 8, 2007 في 6:48 م
من جد يستاهل المليون بكل جدارة تكفون صوتو له والله يستاهل
bent yafi3
مارس 12, 2007 في 7:46 م
كفوووووووووووووووووووووووووووووووووو شاعر المليووووون المري
أخو الشهيد الحبابي
مارس 17, 2007 في 3:08 م
ما أقول إلا بيض الله وجهه والحباب كلهم معاه
الدلع
مارس 21, 2007 في 4:54 م
ما أقول إلا بيض الله وجهه والحباب كلهم معاه
واتمنى ان الكل ينصف الشاعر المميز ابن فطيس وما اقول هالكلام لاني مري لا والذي رفع سبع بلا عمد الى حاب اقوله لكم امانة انتوا يا جمهور من احسن شاعر يقول ابيات قوية امانة ومن هة الشاعر الافضل بالامانة؟
الهاجري
أبريل 9, 2007 في 3:56 م
والله كفووووا يالمري وعزالله بيضت وجيه المحلف
بنت حلال
ديسمبر 11, 2007 في 2:46 م
على راســــــــــــــــــــــــــــي والله يا المري
اللي قال انك شاعر تراه صادق .!
مصحح :)
يناير 7, 2008 في 2:08 ص
يابنت ياللي تفرقين بعودش
مالومهم لاكثروا الخطابه
فيه غلط ياخوي هو يقول يابنت ياللي تبرقين بعودش ** مالومهم لاكثرو الخطابه
الغلط هو تفرقين=تبرقين
محمد الهاشمي - دافي الجرح
يناير 9, 2008 في 5:17 م
أشكر كل من تكرم بالرد والتعليق
الأخ مصحح
في حالة “تبرقين” لا يستقيم التصوير ويبدو للوهلة الأولى أن الصورة لم تكتمل..
العود لو يبرق
يفرق
لا ادري ولكنني أنزه شاعر المليون بن فطيس عن وضع تصوير قاصر في مثل هذا البيت
والله أعلم فقد يكون هناك ما غفل عنه استيعابي للبيت
سحاب
نوفمبر 1, 2008 في 4:45 ص
مع احترامي لشاعر ابن فطيس واحترامي لجماهيرة وأنا واحد منهم ..لكن .. فيه قصيدة سمعتها للشاعر / هادي بن عبدالله بن ظافر القحطاني والمعروف بابن ( القعيمة ) من آل سعد . توفي رحمة الله سنه ( 1413هـ ) وهو من فطاحلة الشعر في السعودية في وقته . مطلعها ( باسم الله وابدى بالتحية @@ على دوري وكل له حسابه ) في قصيدة ( ابن فطيس ) إقتباس منها ليس في القافيه ولكن في تركيب القصيدة وتسلسل البيوت وخاصة المدح فيها .. ويمكن أكون غلطان ولكن اترك الرأي للشعار .. والقصيدة مذكورة في كتاب ( الحنين والأشجان في أشعار قبائل قحطان ) للمؤلف ( علي بن شداد القحطاني .. وبتحديد في صفحة ( 92 ) .
يحيى بن ناصر المازني
أبريل 12, 2010 في 2:21 م
ما اروعها بيوت شعر تتناثر على اطراف الساحة الشعبية
صح لسانك
الغفراني المري اليامي
أغسطس 27, 2010 في 10:32 ص
بيض الله وجهك يابن افطيس بيض وجه ال مره وكفوووووووووووو