قصيدة “ظرف لحظة”
النفس ترضى شوفتك ظرف لحظه
والقلب يبرى وان تعمدت جرحي
ياللي هداك القلب لبّه ونبضه
لا تحسب لغيرك مفاتيح صرحي
والله لو حِلْت الأحاسيس لضه
ما غيرك أمنته تراحي وفرحي
كلٍ يسير بعالمي سير ومضه
مثلك إذا مرّ استشفيت وضحي
متى أشوفك حلم أو بعض يقظه
ملح الليالي انت ..وان زاد ملحي!
جفت عروقي .. والتسابيب (غضه)
وارخيت دمعي..عقب صولات مزحي
ما كنت مبدل (يولتي) بالف (عرضه)
لكن قلبي ذلّ واعلنت نزحي
واختم كلامي..بكتفي بس بعضه
لني طريتك خايف يطول شرحي
almobatseema
مايو 21, 2007 في 4:29 ص
متى أشوفك حلم أو بعض يقظه
ملح الليالي انت ..وان زاد ملحي!
جفت عروقي .. والتسابيب (غضه)
وارخيت دمعي..عقب صولات مزحي
صح لسانك
هذا البيتين احسهم قريبه منــي وتعبر عني بشكل كبير رغم انني لم اكتبها
بوح قلمك محمد كفيل بأن يأجج مشاعرنا ويمسك زمام اقلامنا عن مجاراة لأبياتك
مشكور ماقصرت
دمت بووووووووووووووووووووود
المبتسمه
ريـــــــما (قلب الحيط)
مايو 22, 2007 في 10:23 م
ياللي هداك القلب لبّه ونبضه
لا تحسب لغيرك مفاتيح صرحي
والله لو حِلْت الأحاسيس لضه
ما غيرك أمنته تراحي وفرحي
كلمااات رائعه وليست بغريبه على شخصا مثلك
بالتوفيق يالغلا
شموخ
مايو 22, 2007 في 11:43 م
صح لسانك يالشاعر…
محمد نبا نشوف لون يديد في شعرك بسك حزن ورومانسية…ترا الدنيا ماتسوى
وتسلم مرة ثانية
عنوده..
مايو 23, 2007 في 2:38 ص
صح لسانك …
وعساك دوم سالم …
والله لو حِلْت الأحاسيس لضه
ما غيرك أمنته تراحي وفرحي
جداً رائع…
جواهر
مايو 23, 2007 في 1:27 م
متى أشوفك حلم أو بعض يقظه
ملح الليالي انت ..وان زاد ملحي!
قمة الابداع…هذا التساؤل هزني…مدري ليه
قمة الابداع أخوي محمد…..واصل بوحك
أحمد المصعبي
مايو 27, 2007 في 10:22 ص
صح لسااااانــــــــــــــــــك
عساك ع القــــــــــــــــــوه
e7sas galb
مايو 29, 2007 في 8:39 م
صح السانك ولا هنت