لا تضيقي دامت الدنيا الوسيعة==تاسع الداعي..ولي ما لأمه داعي

واحفظيني في هواجيسك وديعة==لين ارد من السفر واجيك داعي

والوصال اللي تأملنا نشيعه==وابسط بآمال مغليني.. شراعي

وابحر لميناي واشق القطيعه==شق موج اليم..وانهي إنقطاعي

اكسريني -قبل مالماضي نضيعه-==موج.. يتلاشى على شاطي ضياعي

ذكري عمري ربيعه.. يا ربيعه==كيف وردك يزهر وحوله يَراعي

وبردك اللي رجفته دعوى قطيعه==ما ينسينا خريفي واندفاعي

لجل ننساها ليالينا الوجيعة==لجل نسقي بردنا سم الأفاعي

صيف عالمنا وحره.. لو نبيعه==يصبح اغلى شي نشريه ويباع ِ

لا تضيقي .. لن ضاقت بي الوسيعه==لازم تدور الفصول الا اقتناعي

أن في ميناك باحصل وديعة==كلما ودعتها ترفض وداعي