في حالتي هذه بالذات.. لاجديد.. من قديمي.. أضعها لوقتها

ليش تتحول أمانينا عذابات وهموم
ليش كلما نادت الأحلام طنّشها الصدى

ما درينا؟ ولا هي كل الأماني ما تروم
ما تعلَمنا ندوس أحلامنا قبل المدى؟

وش يغير حال مصلوب النوايا والعزوم؟
وش يداوي جرح مطعون الخيانة والردى؟

ما بيدينا لو بدينا ننتهي عند الرقوم
والشموع اللي حملناها..حملناها سدى

ما بقى إلا نهدّ احلامنا عند اللزوم
واللزام انّـا ندور عن ملاذات الهدى

اشتقينا والشقا بعضه ردى وبعضه سلوم
انتهينا عمر ضايع.. والعمر توه ابتدا 

 

سلامتكم