الشاعر والإعلامي محمد الهاشمي
يكفي من الماضي .. أرق
يكفي من الماضي أرق حاضر
ومن حاضرك أرق
قلبي يرق..و ليه قلبك ما يرق
وليه ما جفت من جباه الأمل..قطرة عرق
تدري انا ما همني شاللي يصير
وادري تغربنا الحياة
وعمري المسموم من حظي بعد..توه شرق
نرحل.. نسير..
وفي يدي قطعة حرير
امشي واجر اذيال عزة نفس..ذلت من فقير..
امشي على اظلم طريق
واركض ورا احلى طريق
يغشي على انواره ضباب آلامنا..وهمي الكبير
ياليتني توي صغير
ياليت لي بعدك.. صديق
ياليتني لا نمت.. ما أصحى غريق
تضمني
وتقول ان اللي أشوفه حلم.. غير
ما يصير..
ابكي.. غرق
وامشي.. لأرق..
يكفي.. ترى..
مليت انا اكتب..جف حبري..والورق
بس..لا تتعذر بالمصير
لنك بعد عمري.. الأخير
سوزي جين
نوفمبر 12, 2008 في 9:55 ص
نرحل.. نسير..
وفي يدي قطعة حرير
امشي واجر اذيال عزة نفس..ذلت من فقير..
امشي على اظلم طريق
واركض ورا احلى طريق
يغشي على انواره ضباب آلامنا..وهمي الكبير
واااااااو
روعة وانا من اشد معجبينك استاذ محمد
Miss GreEen
نوفمبر 14, 2008 في 11:15 م
مليت انا اكتب..جف حبري..والورق
بس..لا تتعذر بالمصير
لنك بعد عمري.. الأخير
كلمااااااات راااااائعة و مشاااعر صادقة نابعة من قلب …
موفق ان شاء الله …