خاطر المجروح – محمد الهاشمي
أضيفت بواسطة محمد الهاشمي - دافي الجرحيونيو 21
الشاعر و الإعلامي محمد الهاشمي
صعب السؤال وسهل ناسٍ تذلك..والخير واجد بس الاخيار قلّه
والحاسد الواشي محال بْيملّك..لو صابتك عينه بْثمانين علّه
واللي تحريته فطين بْيدلك..تلقاه من أصله تبعْك وتبلّه
لكنْه يمشي! وانت واقف محلك..كن الطريق اللي قطع بك وصل له
حظ وْنصيب..دْوا لغيرك يعلك..والله قسم للناس كلٍ محلّه
ترضى، ولكن الرضا ما يظلك..كل من رضاك يْظلِله قام ملّه
واللي عطيته كلْ عطاك..استغلك..ويذلك اللي ما تبي له المذلّه
عاداك من هو في سجاياك خِلك..وصاحَبْك من هو دمعتك ما تبلّه
ودّاك حرصك عند نمرود غلك..ودّى حبيبك للفراق انْك غلّه
واللي على بالك يجيبه مِحِلك..صار الهوى لي جايبَه هو يتله
يا خاطر المجروح عقبه.. ومن لك؟..ان مرّ لك ضمير جارحْك.. قلّه
محمد الهاشمي - دافي الجرح
Share this:
3 تعليق
بواسطة basma في يونيو 21, 2010 الساعة 9:35 م
صح لسانك
صعب السؤال وسهل ناسٍ تذلك..والخير واجد بس الاخيار قلّه
كلام صادق اكثر من رائع
نتريا المزيد
موفق
بواسطة الوان الحياة في يونيو 21, 2010 الساعة 10:35 م
صح لسانك كفو يا محمد كفو
بواسطة nadia في يونيو 21, 2010 الساعة 11:10 م
صح لسانك بوعبدالله على الرغم من صعوبة بعض المفردات لكنها بشكل عام تحمل معاني كبيرة تعبر عن حالات كثيره نعيشها في ايامنا هذي
الله يعطيك العافيه وفي انتظار جديدك