فيك منّي – صوتيّة « موج بلا شاطئ

RSS

فيك منّي – صوتيّة

19 أكتوبر

قصيدة من قصائدي في الزمن الحالم..

الملف الصوتي عن أمسية أقيمت في كليات التقنية العليا- طالبات، بمدينة الشارقة:

فيك من حلم الطفولة بسمةٍ تجرح iiشعوري

وفيك من مكر الكبار اللي يحسسني iiبأمانك

وفيك من تفكيري الرجعي تعصّبْي iiلْجذوري

وفيك من تفكيري العصري شقاوتك وْلسانك

فيك من بعض اندفاعاتي وإحساسي الذكوري

وفيك من سحر الأنوثة سحر عطفك iiوامتنانك

فيك طهر النفس يحرجني ويَرجِعني iiلطوري

وفيك عفة حاج مرضي ربه ..وألله iiصانك

وفيك من شعري عهد وافي وعصرٍ من عصوري

وفيك مني كل ميزة افتخرت بها iiعشانك

كلما طالعت صوبك امتلا هالكون iiجوري

وكلما صديت عنّك تحتويني في iiجنانك

كل هذا لنّ حبك ما تعدي فوق iiسوري..

إلا وانت اللي هدمت السور وانته في iiمكانك

لنّ حبك في حياتي صار محتوم iiوضروري

مستعدّ أزعل عشانك أهلي وأرضي iiخوانك

ذا زمانك وانت أول من نحتّه في صخوري

وذا زماني ينتهي عندك وينحاز iiلزمانك

أنكسر لا قالوا انك سارقٍ مني حضوري

آنا أصلا مالي أي حضور في حضرة iiكيانك

كلما راهنت عا قلبك يغالطني iiغروري

واخسر رهاني وقلبي كلما ديّنك iiدانك

بس هذا ما هو اللي صار لي يا نور iiنوري

اللي صار اني أحبك تكسب وأخسر iiرهانك