انثريني
أضيفت بواسطة محمد الهاشمي - دافي الجرحسبتمبر 26
| انثريني |
|
انثريني مثل زهرك انثريني
عطر والباقي من انفاسك اناله
ضيعيني فمد بحرك واحسريني
جعل نفسي في غرق بحرك تداله
دلعيني لين ما انتي تشكريني
عالغلط والصح واهوال العباله
ولا اقولك بيعي فيني وْأجّريني
لين منتي تملكي كل الوكاله
استغليني وحذرك تقهريني
ما تبيني أنقهر وتصير حاله!
واعذريني فوق منتي تعذريني
وادّعي إنّك من ارباب الجهاله
زعليني.. ارفضي همي.. اسهريني
لين ربي يقضي الأمر بْسهاله
ولاّ انا من خوفي انك تخسريني
قمت اطنش زعلتي منك بهباله
من كثر ما اهواك انا صرتي قريني
قمت احسبك تلتقيني في السلاله!
ولعيّني.. ناري انتي.. واسعريني
صغر قربك في ضنا بعدك جلاله
بعض مني يعشق انك تنكريني
لجل هو يرضي محانيك بدلاله
وبعض مني يكره انك تحتريني
من عنا قلبك إذا كثّر سؤاله
بين بعضي والبعض هبّي وذريني
كالرمال مسافرة لاعلى جباله
وان عجزت اني اعجْبك غيريني
لين اصير اللي تكبّر من جماله
وان نسيتي كلْ عيوبي اذكريني
واذكري قلبي المحاصَر في مجاله
واحمليني للسعادة واسحريني
سحرٍ يحقق في عيني الاستحاله
بيعي هموم الزمان وإشتريني
عمر باقي وابلغي اقصى مناله
شربيني من غرامك واسكريني
وانهلي الشعر المقفى من دِلاله
ف اجمل احلامي تجيني تامريني
والعجيب انك تذليني بنذاله
بس انا منصاع لك وانتي فْ عريني!
قطو ما حب إلا خناقّه.. وْوفا له!
عيشيني في عذابك واعصريني
حلم صارخ ما تملين انحلاله
حلم بايخ لو اقول بتغدريني
حلم دايخ لو اقول انك كماله
في خيالي اسجنيني واحصريني
حتى لو صرت الخيالي في خياله
انثريني حلم ضايع وازهريني
أمر واقع، واثمريني من خلاله
|
Share this:
2 تعليق
بواسطة فاقد امل في أكتوبر 26, 2006 الساعة 11:44 ص
في البحث عن طموحنا ضيعنا قلوبنا …. هذا ما توصلت إليه
كلانا نلام و كلانا نعذر
وداعا
بواسطة تميمية ( السنغالي) في فبراير 11, 2007 الساعة 10:33 م
وان عجزت اني اعجْبك غيريني
لين اصير اللي تكبّر من iiجماله
رووووووعه يامحمد
صح لساااااااانك